Don Bosco Philippines South Province

Kung nahigugma ako kanimo
Wala ako’y ikapasigarbo
Kun dili nga gibiyaan ko ang tanan
Aron kanunay naa sa imong kiliran

Karong nahimamat ko ang pagka-ikaw
Tanan sa mata ko nahanaw’g napanaw
Sa sihag sa imong himaya
Salabotan ko nagpaubaya

Agaka ako sa paghigugma kanimo
Kay bisan sa paningkamot ko
Nihibalo ka sa akong kahuyang
Daw gugmang wa’y kaalam

Wala sa akong kusog ni sa kabaskug
Nga masuklian bisan man sa tingog
Ang kaayo ug gugma mo kanako
Nga ika-ikog kong ika-ako

Di matandi ang atong mga gugma
Kay para kanako gugma mo walay sama
Ug kung biyaan ko man ang tanan
Kini gihapon kulang, di masuklian

Gipildi mo ako sa imong pagbati
Ug king gugma ko akong isukli
Hinaot madawat bisan kabus ug makulang
Kay mao na ni ang akong tanan

Disclaimer: This section of the website is a personal creative writing of the author and does not necessarily reflect the official views, opinion, or policies of the Salesians of Don Bosco – Philippines South Province. For concerns on the content, style, and grammar of this piece, please contact us.